(Eedris Abdulkarim music call "Nigeria Jaga Jaga" dey play small small)
Published On: Na For Poems at 11/19/2011 07:58:00 AM
Military full ground,
Militants too full ground,
Gun full everywhere,
Presido state dey tight.
Governor wan second term,
Presido say no way.
Governor say way dey,
Presido still say no way.
Wahala jam wahala.
Presido call military,
Governor call militants,
Wahala jam wahala.
(Music still dey play small small)
Dem wan chop goat
Na poor man goat.
Dem wan chop fowl
Na poor man fowl.
Dem wan woman
Na poor man wife and daughter.
Dem wan shoot person
Na poor man.
Presido dey for Abuja dey enjoy,
Governor dey for yonder dey chop life,
Poor man dey for di state dey suffer.
Wahala jam wahala,
Presido state dey tight.
(Music play small, come stop)
Published On: Na For Poems at 11/19/2011 07:58:00 AM
No comments:
Post a Comment