USA Africa Dialogue Series - I Dey Shake Head2(Nigerian Pidgin English Poem)

By Chidi Anthony Opara

 

Naija security people

Don carry come again.

Instead to do work,

Dem dey follow criminal dem argue,

I don  dey shake head again.

 

Naija security people talk say

Dem don catch

Boko Haram talk talk person,

Boko Haram come talk say

Na ordinary member dem catch.

Naija security people

Come reply say

Na talk talk person dem catch,

Argument come carry argument for back,

Work dey suffer,

I dey shake head more more.

 

Before before di argument

Na between Naija security people

And Niger delta militant dem.

Naija security people go talk say

Dem don catch

Militant dem talk talk person,

Militant dem go talk say

Na ordinary militant dem catch,

Naija security people go reply say

Na talk talk person dem catch.

Argument go carry argument for back,

Work dey suffer,

I dey shake head.

 

About Me