USA Africa Dialogue Series - Di State Of Di Nation (Nigerian Pidgin English Poetry Series)

By Chidi Anthony Opara

 

My name na Paatrot,

I be Naija Proper,

I live for dis park.

 

I dey for dis place

Dey observe,

I just dey

Dey wait.

No work,

No house,

No food.

Other people live here too.

 

For dis place

Wey I dey,

I dey hear things,

I dey see things.

 

For dis place

I dey investigate,

I dey legislate,

I dey demonstrate.

 

For dis place

I dey yan,

I dey tori,

I dey talk about

Di state of di nation.

 

Neighbour,

Abeg pass me small akara

And pure water.

 

 

About Me