USA Africa Dialogue Series - “Wey Our Own?” (Nigerian Pidgin English Poem)

By Chidi Anthony Opara

 

Bomblast dey here,

Dynamite dey here,

Sinner dey here,

Thunderbolt sef dey here,

Me to

Wey be Morale

I dey here,

All of us dey here for Abuja.

 

Nobody invite us come,

Na our own national cake

Na im we find come.

 

Di thug work

Wey we do for dem

For di last election

Dem no pay us,

Na so so "transformation" grammar

Na im we dey hear everyday.

As dem dey nack di grammar,

Na so dem dey wack di national cake,

Dem say make we wait for "transformation",

Di "transformation" sef

We no see,

We no wait again.

 

Dem don come Abuja again

To come prepare for another election.

All of us dey here,

Na our own national cake

Na im we find come.

 

Oya,

Everybody put mouth

Make we talk am together;

Wey our own?

Wey our own?

Wey our own?

 

 

More On: (1) Na For Poems
               (2) Mundane Musing And Other Poems
               (3) Homeland Melodies And Other Poems

 

About Me