USA Africa Dialogue Series - Which Kin Yawa Be Dis? (Nigerian Pidgin English Poem)

By Chidi Anthony Opara

 

Bomb blow,

Country people wound,

Country people die,

House dem damage,

Property sef spoil.

 

Country man

Wey dey advise Presido

For security matter

Come yan say

Na because of election

Wey dey come

Na im make bomb dey blow.

 

Presido

Come yan say

Na lie adviser talk,

Opposition come hala say

Make Presido sack adviser.

 

As dem dey talk talk,

Bomb still dey blow,

Country people still dey wound,

Country people still dey die,

House dem still dey damage,

Property still dey spoil,

Which kin yawa be dis?

 

 

 Links To My Books:

(1) i-proclaimbookstore.com
(2) i-proclaimbookstore.com
(3) i-proclaimbookstore.com
(4) wordclay.com
(5) wordclay.com