USA Africa Dialogue Series - Ewi Igbokegbodo Keji

III Yemoja

Oju ẹdá ńwòye lori òkun

Oju alárìnká l'ori okun;

T'afà bi Tìmì Àgbálé si àwọ sanma

Ni ibi ti awon ìràwọ yio gbe jabo

Nko sọ àṣírí si eti enikan,

Àyàfi inu iho ilẹ, lati ba fi pamo ni-

Asiri ti mo fi pamo si eti òkun

Wa nrú

Omi funfun kini bi iyọ lori okuta eti okun ati emi,

Ati edé ati ìkarawun

Ti o nrùn bi okun-

Arábìrin inu ibú

Abara rọgbọdọ,

Ti mo bo aṣiri rẹ mọlẹ pelu iyanrin òkun…

Òjò ṣú biribiri l'ori eti okun ti orun npa

Ojo su biribiri lori okunrin ati obirin.

Ó tànmọlẹ

Pelu ìṣírí abo kiniun,

Ó dahun,

Pelu ìtàná ti o wọ bi ẹwu;

Bệni ìjì òkun ntẹlẽ bọwá si bèbè,

Abo kiniun mi,

Ti a de ni ade oṣupa.

Abo kiniun mi pelu ori eyan

Ti a de ni ade Farao.

Awo yèyé Idoto; awo yeye Ọya

Awẹnrẹn Ifá,

Odùṣọ Èlà, iyekan Ẹlẹgbára

Ìrírí rè ko ju iṣẹju akàn lọ-

Ìsáná ti a tan ni iwaju ĕmí ẹfȗfù nla-

Kia mọsa ni iriri yi je pelu jigi ti o yi mi po.

Sinu omi…

Awon iji omi ńwĕ, bi o ti ńrì sinu omi;

Wúrà ti o ńwọmi

Lai ko si eniti ti o le kõ jọ

Yemoja inu ibú,

Eti àṣírí ti hù bi ìwo Àlàdé*.

Emi ti emi si wa dáwà nihin,

Bẹrẹsi ka iyanrin ti òkun gbe wa sihin,

Ka ore rè, oba birin mi.

Sugbon okun ti o ti wẹwó iji mu òjìjí

Wa lati jigi oju rẹ

Ti kǐ se ti olorì mi, bíkòṣe ojiji ti o ti fón ká.

Idi ni yi ti emi fi nka àkókò ni erékùṣù mi

Ti mo nka wakati ti yio gbe

Obabirin mi ti o pònrá padàwá pelu ami angeli ninu afẹfe

*Ninu iwe Alawiye ti Olȏgbe Odúnjọ kọ a ka itàn Àlàdé ti o hùwo ti ọrẹ re ko le fi sinu. O si lọ gbẹ iho ti ó kigbe pé: Alade huwo. Lehin eyi opolopo iwo nhu bi ohun ọgbin ni agbègbè na.