By Chidi Anthony Opara
Dem been dey maja,
Dem been dey bomb,
Country people been dey die.
Dem been dey say
Boko na haram.
Government
Come dey maja dem,
Government come dey kill dem.
Government tell dem say
Amnesty go dey if dem understand,
Who sai,
Dem still dey maja.
Government
Begin speak big big grammar;
"State of Emergency",
"Curtailment of movements",
"Deployment of troops",
"Arms mop up".
As grammar dey hala
Dem dey gather more bomb,
Dem dey gather more bomber dem.
Dem still dey say
Boko na haram.
State of Emergency come shele.
Inside di state of Emergency
Dem still dey maja,
Dem still dey bomb,
Country people still dey die.
Dem still dey say
Boko na haram.
No comments:
Post a Comment