Odùṣọ Ifá
Àwọn ìràwọ ti wá rékọjá,
Àwọ sánmà pẹlú awò ojúkan rẹ
Nwòye ayé abẹ rẹ.
Awon ìràwọ ti rekoja,
Ṣùgbọn o, èmi –nibo ni emi wà?
Múra ki o túnramú, ìwòye mi,
Lati dìrọmó wakati yi,
Ki o si mú ileri ìgbà yi ṣẹ
Pelu orin àti ẹyẹ.
Odùṣọ ifá yọ si mi
Gegebi yemọja òkun
Abara rọgbọdọ
O wipe:
Túraká! Ifá kò robi sẹni kan
Kókó ifa ni lati ta ibi nù
Ati lati kó ire wọlé.
Kọlọfin ibi ilà gbé pàdé
Ni oríta Ẹlẹgbára.
Kọlọfin ibi ilà gbé pàdé
Ni àgbélèbú ti paradà di oríta ọnà
Kọlọfin ibi ti Ila gbe pade
Ni bèbè Náìlì tí ọmọ gbẹnọ gbẹnọ
Gbé sọ ẹnọ àmójúbà Ẹlẹgbára;
Kọlọfin ibi ilà gbé pàdé ni Ojú Ẹlẹgba*
Ni olùdándè ojú inu ti o sọnù,
Ti a ṣe ìràpadà rẹ si ìparadà orin kíkọ;
Ilà èkíní ni ti ohùn òkè
Ati ti ìsàlẹ orin alárinrin ni ipasẹ
Gbédègbeyọ Ẹlẹgbára;
Ilà èkejì ni ti òṣùnwọn
Ìgbà mélǒ ni ìlù lílù pẹlú
Irinṣẹ orin Lákáayé pẹlu atọkùn Ọrúnmìlà;
Ni ibi ti ewì gbé paradà
Di ìmọ orin ayérayé…
Odùṣọ Ifa t'ẹnu b'orin:
Ẹ má s'Èṣù d'èké
Ẹ ma sọ'fá d'ọlẹ
Kos'ésìn kẹsìn ti o bori ifa.
Odùṣọ, oníbodè ibode Òrun
Ệlà, onílànà ọrọ ìrètí ògo.
*Fún ìwòye itumọ Ojú Ẹlẹgba, mo dúpẹ lọwọ ògbóntagí iyèkọn akẹkọ mi, onímọ iṣẹ onà gbólóhùn, Ọjọgbọn Adémọlá Dàsylvà.
No comments:
Post a Comment